Багшийн ажлын норм тогтоох 307/91/230

2007 оны 10 дугаар сарын 12-ны өдөр улсын бүртгэлийн 2753 дугаарт бүртгэгдсэн

БОЛОВСРОЛ, СОЁЛ, ШИНЖЛЭХ УХААНЫ САЙД,

НИЙГМИЙН ХАМГААЛАЛ, ХӨДӨЛМӨРИЙН САЙД,

САНГИЙН САЙДЫН ХАМТАРСАН ТУШААЛ

2007 оны 08 сарын 31-ний өдөр                    Дугаар 307/91/237             Улаанбаатар хот

Цэцэрлэг, ерөнхий боловсролын сургуулийн багшийн

 ажлын норм тогтоох, багш, зарим албан тушаалтны цалин хөлсийг

тооцож олгох журам батлах тухай

Хөдөлмөрийн тухай хуулийн 48.2, Төсвийн байгууллагын удирдлага, санхүүжилтийн тухай хуулийн 12 дугаар зүйл,  8 дугаар зүйлийн 1.4 дэх заалтуудыг тус тус үндэслэн ТУШААХ нь:

1.  "Цэцэрлэг, ерөнхий боловсролын сургуулийн багшийн ажлын норм тогтоох, багш, зарим албан тушаалтны цалин хөлсийг тооцож олгох журам"-ыг хавсралтын ёсоор баталсугай.

2. Энэ тушаал гарсантай холбогдуулан цэцэрлэг, ерөнхий боловсролын сургуулийн багш, зарим албан тушаалтны ажлын байрны тодорхойлолтыг шинэчлэн баталж мөрдүүлэхийг төсвийн ерөнхий менежер нарт даалгасугай.

3. Шинжлэх ухаан, боловсрол, Хүн амын бодлого, хөдөлмөр, Сангийн сайдын хамтарсан 1995 оны 6 дугаар сарын 25-ны өдрийн "Журам батлах тухай" 126/97/114 тоот тушаалыг энэхүү тушаал батлагдсан өдрөөс, 2003 оны 10 дугаар сарын 10-ны өдрийн "Журам батлах тухай" 328/131/283 дугаар тушаалыг 2008 оны 1 дүгээр сарын 1-ний өдрөөс эхлэн хүчингүй болсонд тус тус тооцсугай.

   БОЛОВСРОЛ, СОЁЛ,                 НИЙГМИЙН ХАМГААЛАЛ,       САНГИЙН САЙД

   ШИНЖЛЭХ УХААНЫ                ХӨДӨЛМӨРИЙН САЙД

   САЙД                                             

     Ө.ЭНХТҮВШИН                          Д.ДЭМБЭРЭЛ                        Н.БАЯРТСАЙХАН

Боловсрол, соёл, шинжлэх ухааны сайд,

 Нийгмийн хамгаалал, хөдөлмөрийн сайд,

                                                                     Сангийн сайдын  хамтарсан 2007 оны

                                                                                     307/91/237  дугаар тушаалын хавсралт

Цэцэрлэг, ерөнхий боловсролын сургуулийн багшийн

ажлын норм тогтоох, багш, зарим албан тушаалтны

цалин хөлсийг тооцож олгох журам

Нэг. Нийтлэг үндэслэл

1. Ерөнхий боловсролын сургууль, цэцэрлэгийн багш (цаашид "сургууль, цэцэрлэгийн багш" гэх)-аар сургалт, хүмүүжлийн ажил гүйцэтгүүлэх, багш ба сургуулийн захирал, орлогч захирал, сургалтын менежер, хичээлийн зохицуулагч, нийгмийн ажилтан дадлагын болон байрны багш, цэцэрлэгийн эрхлэгч, арга зүйч, туслах багш (цаашид "зарим албан тушаалтан" гэх.)-ны цалин хөлсийг тооцож олгоход энэхүү журмыг баримтална.

2. Боловсролын асуудал эрхэлсэн төрийн захиргааны төв байгууллагаас баталсан сургалтын төлөвлөгөө, Засгийн газраас тогтоосон бага, дунд боловсролын норм, нормативыг үндэслэн тухайн хичээлийн жилд ажиллах багшийн орон тоог захирал, эрхлэгч тогтооно.

3. Сургууль, цэцэрлэгийн багшийн ажил нь Боловсролын тухай, Бага, дунд боловсролын тухай хуульд заасан багшийн үүргийн хүрээнд багшийн ажлын байрны тодорхойлолтоор тодорхойлогдоно.

4. Анги дүүргэлтийг бага ангид 30-35 (багийн салбар бүлэгт 20-оос доошгүй) дунд, ахлах ангид 32-35, ахлах ангийн мэргэжлийн болон сонгон судлах хичээлийн бүлэг дүүргэлтийг 25-30, харах сонсох эрхтний хөгжлийн бэрхшээлтэй хүүхдийн сургуулийн бүлэгт 8-12, оюун ухааны хөгжлийн бэрхшээлтэй хүүхдийн сургуулийн бүлэгт 10-15 хүүхэдтэй байхаар зохион байгуулна.

5. Гадаад хэл, мэдээлэл зүйн хичээлийг мэргэжлийн багшийн хүрэлцээ, сургуулийн цалингийн сангийн хэмжээ, материаллаг орчин нөхцлийг харгалзан дэд бүлгээр хичээллүүлж болно.

6. Сургуулийн захиргаа нь багштай хөдөлмөрийн гэрээ байгуулж, Төрийн албаны зөвлөл болон Боловсролын асуудал эрхэлсэн төрийн захиргааны төв байгууллагаас тогтоосон журам, дүрмийн дагуу багшийн ажлыг үнэлж дүгнэх журам боловсруулан мөрдөнө.

Хоёр. Багшийн ажлын бүтэц, норм

7. Сургууль, цэцэрлэгийн багшийн ажил нь сургуулийн өмнөх болон бага, дунд боловсролын стандартыг хэрэгжүүлэх ажил болон бусад ажил гэсэн үндсэн хоёр үйл ажиллагаатай байна.

8. Стандартыг хэрэгжүүлэх ажил нь сургалтын хөтөлбөр (киррикюлим) төлөвлөн боловсруулах, сургалтын хөтөлбөрийн дагуу хичээл заах, сургалтын хөтөлбөрийн хэрэгжилтийг үнэлэх гэсэн 3 үе шатны үйл ажиллагаанаас бүрдэнэ.

9. Бусад ажилд сургалтын үйл ажиллагааг дэмжих, багшийн хөгжлийг хангах, иргэд, суралцагчидтай ажиллах гэсэн 3 төрлийн үйл ажиллагаа багтана.

10.  Сургууль, цэцэрлэгийн багшийн долоо хоногийн ажлын цаг нь 40 байна.

11. Сургуулийн багш долоо хоногт 34 цагтай тэнцэх стандартыг хэрэгжүүлэх ажил, 6 цагтай тэнцэх бусад ажлыг тус тус гүйцэтгэнэ. Стандартыг хэрэгжүүлэх ажилд ногдох 34 цагийн 19 цаг нь хичээл заах цагт зориулагдана.

12. Цэцэрлэгийн багш нь долоо хоногт ажлын 40 цагтай тэнцэх стандартыг хэрэгжүүлэх ба бусад ажлыг гүйцэтгэнэ.

13. Ерөнхий боловсролын сургуулийн сургалтын төлөвлөгөөний 1 цаг буюу хичээл заасан 40 минутыг ажлын 1 цагаар тооцно. Энэ хугацаа бага сургуулийн нэг ба хоёрдугаар ангид 35 минут байна. 

14. Бага, дунд боловсролын стандартад нийцүүлэн сургалтын төлөвлөгөөний дагуу хөтөлбөрөө төлөвлөн боловсруулах, уг хөтөлбөрөөр хичээл заах, түүнийгээ үнэлж сайжруулах цогц үйл ажиллагааг илэрхийлэх стандартыг хэрэгжүүлэх ерөнхий боловсролын сургуулийн багшийн ажлыг сургалтын нэгж ажлаар хэмжинэ. Энэхүү нэгж ажил нь сургалтын төлөвлөгөөний 5 цагаар тооцогдоно. Сургалтын нэгж ажлыг Боловсролын асуудал эрхэлсэн төрийн захиргааны төв байгууллагаас баталсан аргачлалын дагуу тооцож үнэлнэ.

15. Сургуулийн сургалтын менежер нь стандартыг хэрэгжүүлэх болон багшийн бусад ажлын гүйцэтгэлийг сар, улирлаар тооцож, сургуулийн захирлаар батлуулж санхүүд өгнө. Багшийн ажлын улирлаар гаргасан гүйцэтгэлийг багш нарын зөвлөлгөөний хурлаар хэлэлцсэний дараа сургуулийн захирал батална.

Гурав. Цалин хөлс олгох

16. Сургууль, цэцэрлэгийн багш, зарим албан тушаалтны цалин хөлс нь албан тушаалын үндсэн цалин, нэмэгдэл, нэмэгдэл хөлс, шагнал, урамшууллаас тус тус бүрдэнэ. Албан тушаалын үндсэн цалин, нэмэгдэл, нэмэгдэл  хөлсний хэмжээ нь боловсролын салбарын төрийн үйлчилгээний албан хаагчийн цалин хөлстэй холбогдуулан Засгийн газраас баталсан тогтоолууд, холбогдох сайд нарын хамтарсан тушаал, байгууллагын дотоод журам болон хамтын гэрээ хэлэлцээрээр тогтоогдоно.

17. Сургууль, цэцэрлэгийн багшийн нэмэгдэл нь багшийн мэргэжлийн болон докторын зэргийн нэмэгдэл, ур чадварын нэмэгдэл, орон нутгийн нэмэгдлээс,  зарим албан тушаалтны нэмэгдэл нь докторын зэргийн нэмэгдэл, ур чадварын нэмэгдэл, орон нутгийн нэмэгдлээс тус тус бүрдэнэ.

18. Багшийн албан тушаалын үндсэн цалингаас тооцон Засгийн газрын тогтоолоор баталсан хувь хэмжээний дагуу ерөнхий боловсролын сургуулийн багшид анги даасны, Заах аргын нэгдэл удирдсаны, кабинет, лаборатори хариуцан ажилласаны нэмэгдэл хөлс олгоно.

19. Багшийн албан тушаалын үндсэн цалингаас тооцон Засгийн газрын тогтоолоор баталсан хувь хэмжээний дагуу цэцэрлэгийн багшид Заах аргын нэгдэл удирдаж ажилласаны нэмэгдэл хөлс олгоно

20. Сургуулийн захирал, цэцэрлэгийн эрхлэгч нь албан хаагч бүрийн хөдөлмөрийн хөлсний хэмжээг холбогдох тогтоол, журам, албан хаагчийн ажлын байрны тодорхойлолт, үр дүнгийн гэрээний биелэлтийг үндэслэн тогтоож, багш нарын зөвлөлийн хурлаар хэлэлцүүлэн санал дүгнэлтийг тусгаж,  тушаалаараа баталгаажуулна.

21. Сум, дүүргийн Засаг дарга нь сургуулийн захирал, цэцэрлэгийн эрхлэгчийн хөдөлмөрийн хөлсний хэмжээг холбогдох тогтоол, журам, тэдний ажлын байрны тодорхойлолт, үр дүнгийн гэрээний биелэлтийг үндэслэн тогтоож, сургууль, цэцэрлэгийн зөвлөлөөр хэлэлцүүлэн санал дүгнэлтийг тусгаж, тушаалаараа баталгаажуулна.

22. Бага ангийн III-V ангийн англи хэл, мэдээлэл зүй, биеийн тамир, хөгжим, дүрслэх урлагийн хичээлийг мэргэжлийн багшаар заалгаж болно.

23. Мэргэжлийн багшийг үндсэн ажилтнаар ажиллуулах бололцоогүй нөхцөлд тэтгэвэрт гарсан, сургуулийн бус байгууллагад ажиллаж байгаа болон ажилгүй байгаа мэргэжлийн багшийн ур чадварыг харгалзан хөлсөөр ажиллуулах гэрээгээр ажиллуулж, цагийн хөлсийг нь үндсэн багшийн цалин хөлсний хэмжээнээс хэтрэхгүй байхаар тооцож олгож болно. 

24. Багшийн илүү цагийг тооцохдоо 19 цагаас илүү заасан хичээлийн цагаар тооцно. Багшийг илүү цагаар ажиллуулсан бол Хөдөлмөрийн тухай хуулийн 53 дугаар зүйлд заасны дагуу илүү цагийн хөлс олгоно (Жишээлбэл: Үндсэн цалинг/168 цаг х 1.5 х 19 цагаас илүү заасан хичээлийн цаг).

25. Сурагчийн улирлын амралт болон онцгойлон хүндэтгэх шалтгаанаар хичээллээгүй байсан хугацаанд багшид албан тушаалын үндсэн цалинг олгоно. Энэ хугацаанд багш өөрөө хүсвэл ээлжийн амралтаа урьдчилан эдэлж болно.

          26. Сургуулийн мэргэжлийн сургалт, бусад үйлдвэрлэл, үйлчилгээ явуулж бий болгосон бүтээгдэхүүн, ажил үйлчилгээний орлогоос үйлдвэрлэл, үйлчилгээ явуулахтай холбогдон гарах материаллаг зардлыг хасаад үлдэх хэсгээс зохих үнэлгээгээр багш, сурагч, ажиллагчдад шагнал урамшуулал бодож олгоно.

          27. Хичээлийн жилийн үргэлжлэх хугацааны бүтцийг үндэслэн багш, ажилтны ээлжийн амралтыг зохицуулна. Багш, ажилтны ээлжийн амралтын хугацааг Хөдөлмөрийн хууль, Боловсролын тухай хуулийг тус тус баримтлан тогтооно.

          28. Багш нарын ээлжийн амралтын олговорыг холбогдох хууль, журамд заасн

Сангийн сайдын 2013 оны 73 тушаал "Төсвийн санхүүжилтийн болон зарцуулалтын эрхийн тухай, Төсвийн захирагчийн төсөвт зохицуулалт хийх журам"

Улсын төсөвт байгууллага, төсвийн шат шатны захирагч, тэдгээрийн төсөв, санхүү, бүртгэл тооцоо хариуцсан мэргэжилтнүүдийн өдөр тутмын хэрэгцээт журмыг нэг батлагдлаа.

2013 оны 73 гэж л цээжилчихсэн байх байх даа удахгүй....

Tusuvt zohitsuulalt-hiih-juram cc2013-73 from Munkh Orgil

БСШУ, СС-ын хамтарсан 2007 оны 306/237 тушаал -Итгэлцүүр батлах тухай

Шинэчлэх шаардлагатай байгаа тушаалын нэг дээ

БОЛОВСРОЛ, СОЁЛ, ШИНЖЛЭХ УХААНЫ САЙД,

САНГИЙН САЙДЫН ХАМТАРСАН ТУШААЛ

===================================================================

2007 оны 8 дугаар сарын 31-ний өдөр

Дугаар 306/237

Улаанбаатар хот

                                               

Итгэлцүүр батлах тухай

Монгол улсын Боловсролын тухай хуулийн 40 дүгээр зүйлийн 40.5 дах заалт, Нэгдсэн төсвийн тухай хуулийн 6 дугаар зүйлийн 6.1.3,  Төсвийн байгууллагын удирдлага санхүүжилтын тухай хуулийн  8 дугаар зүйлийн 8.1.4 дэх заалтуудыг тус тус үндэслэн  ТУШААХ нь:

1. Ерөнхий боловсролын сургуулийн нэг сурагчид ногдох хувьсах зардлын дундаж хэмжээг тооцох итгэлцүүрийг нэгдүгээр, цэцэрлэгийн нэг сурагчид ногдох хувьсах зардлын дундаж хэмжээг тооцох итгэлцүүрийг хоёрдугаар хавсралтаар тус тус баталсугай.

2. Энэ тушаалыг  2007 оны 9 дүгээр сарын 1-нээс эхлэн мөрдөхийг ерөнхий боловсролын сургууль, хүүхдийн цэцэрлэгийн ерөнхий менежер нарт үүрэг болгосугай.

3. Тушаалын биелэлтэд хяналт тавьж ажиллахыг Боловсрол, соёл, шинжлэх ухааны яамны Санхүү, эдийн засгийн газрын дарга /Ц.Даваасүрэн/, Сангийн яамны Төсвийн бодлого зохицуулалтын газрын дарга /Б.Батжаргал/ нарт даалгасугай.

БОЛОВСРОЛ, СОЁЛ,                                                        САНГИЙН САЙД

ШИНЖЛЭХ УХААНЫ

САЙД                                    

Ө.ЭНХТҮВШИН                                                                Н.БАЯРТСАЙХАН

Боловсрол, соёл, шинжлэх ухааны сайд, Сангийн сайдын хамтарсан 2007 оны 306/237 дугаар тушаалын нэгдүгээр хавсралт

ЕРӨНХИЙ БОЛОВСРОЛЫН СУРГУУЛИЙН НЭГ СУРАЛЦАГЧИД НОГДОХ

ХУВЬСАХ ЗАРДЛЫН ДУНДАЖ ХЭМЖЭЭГ ТООЦОХ ИТГЭЛЦҮҮР

№	Суралцагчийн төрөл	Цалингийн хувьсах зардлын итгэлцүүр	Бусад хувьсах зардлын итгэлцүүр
1	Баян-өлгий аймагт суралцагч	1.04	1.03
2	Хөгжлийн бэрхшээлтэй  суралцагч	1.3	1.07
3	Дүйцсэн хөтөлбөрөөр суралцагч	0.7	0.5
4	Эчнээ хэлбэрээр бага, суурь, бүрэн дунд боловсрол эзэмшиж буй суралцагч	0.4	0.3
5	Орой хэлбэрээр бага, суурь, бүрэн дунд боловсрол эзэмшиж буй суралцагч	0.7	0.5

----оОо-----

Боловсрол, соёл, шинжлэх ухааны сайд, Сангийн сайдын хамтарсан 2007 306/237 дугаар тушаалын хоёрдугаар хавсралт

ХҮҮХДИЙН ЦЭЦЭРЛЭГИЙН НЭГ СУРАЛЦАГЧИД НОГДОХ

ХУВЬСАХ ЗАРДЛЫН ДУНДАЖ ХЭМЖЭЭГ ТООЦОХ ИТГЭЛЦҮҮР

№	Суралцагчийн төрөл	Цалингийн хувьсах зардлын итгэлцүүр	Бусад хувьсах зардлын итгэлцүүр
1	24 цагийн цэцэрлэгийн хүүхэд	1.5	1.04
2	Хөгжлийн бэрхшээлтэй хүүхэд	1.3	1.07
3	Ээлжийн бүлгийн хүүхэд	0.6	0.5
4	Нүүдлийн бүлгийн хүүхэд	0.7	0.5

----оОо-----

БШУ-ны сайдын тушаал 2013 оны А/32

АЙМАГ, НИЙСЛЭЛИЙН БОЛОВСРОЛ, СОЁЛЫН

МОНГОЛ УЛСЫН

БОЛОВСРОЛ, СОЁЛ, ШИНЖЛЭХ УХААНЫ

САЙДЫН ТУШААЛ

2003.03.21 Дугаар 82 Улаанбаатар хот

Журам батлах тухай

"Боловсролын тухай хуульд нэмэлт өөрчлөлт оруулах тухай" 2003 оны хуулийн 2, 3 дугаар заалт, "Улсын төсвийн удирдлагын шинэчлэлтийг хэрэгжүүлэх арга хэмжээний тухай" Засгийн газрын 2002 оны 119 дүгээр тогтоолыг тус тус үндэслэн ТУШААХ НЬ:

1. "Аймаг, нийслэлийн Боловсрол, соёлын газрын үлгэрчилсэн журам"-ыг нэгдүгээр, Боловсрол, соёлын газрын дарга, мэргэжилтэн, арга зүйчдийн ажлын байрны үлгэрчилсэн тодорхойлолтыг хоёрдугаар хавсралтаар тус тус баталсугай.

2. Боловсрол, соёлын газрын үлгэрчилсэн журмын хэрэгжилтэд хяналт тавьж, зөвлөн тусалж ажиллахыг Бага, дунд боловсролын бодлого, зохицуулалтын газар (Г.Батболд), Соёл, урлагийн бодлого, зохицуулалтын газар (Л.Эрдэнэчимэг), Санхүү, эдийн засгийн газар (П.Гансүх), Хяналт-шинжилгээ, үнэлгээ, шуурхай зохицуулалтын хэлтэс (Ц.Гэлэгжамц), аймаг, нийслэлийн Засаг дарга нарт тус тус даалгасугай.

3. Энэ тушаал гарсантай холбогдуулан "Боловсрол, соёлын төвийн ажиллах журам"-ыг батлах тухай Гэгээрлийн сайдын 1997 оны 112 дугаар тушаалыг хүчингүй болсонд тооцсугай.

САЙД А.ЦАНЖИД

Сайдын 2003 оны 82 дугаар тушаалын нэгдүгээр хавсралт

АЙМАГ, НИЙСЛЭЛИЙН БОЛОВСРОЛ, СОЁЛЫН ГАЗРЫН ҮЛГЭРЧИЛСЭН ЖУРАМ

Нэг. Нийтлэг үндэслэл

1.1. Аймгийн Боловсрол, соёлын газар, (цаашид “газар” гэнэ) нь тухайн нутаг, дэвсгэрийнхээ боловсрол, соёлын байгууллага, иргэдийг төрийн захиргааны болон мэргэжлийн удирдлагаар хангах,тэдний үйл ажиллагаанд туслалцаа үзүүлэх үүрэг бүхий аймаг, нийслэлийн Засаг даргын дэргэдэх боловсрол, соёлын асуудал эрхэлсэн байгууллага мөн.

1.2. Газар нь үйл ажиллагаандаа төрөөс боловсрол, соёлын талаар баримтлах бодлого, Боловсролын болон соёлын тухай багц хууль, Боловсрол, соёлын асуудал эрхэлсэн төрийн захиргааны төв байгууллагын шийдвэр, бусад хууль тогтоомжийг удирдлага болгон ажиллана.

1.3. Энэхүү үлгэрчилсэн журамд нийцүүлэн аймаг, нийслэлийн Засаг даргын захирамжаар газрын ажиллах журмыг баталж мөрдөнө.

1.4. Газар нь хөдөлмөрийн дотоод журамтай байна. Журмыг газрын даргын тушаалаар батална.

1.5. Газрын дарга нь аймаг, нийслэлийн Засаг даргатай гэрээ байгуулж ажиллана.

1.6. Газар нь дэргэдээ боловсрол, соёл, урлагийн үйл ажиллагааны чанарыг дээшлүүлэхэд багш, соёлын ажилтан, уран бүтээлчид, иргэд, байгууллагын оролцоог нэмэгдүүлэх зорилгоор мэргэжлийн өндөр зэрэгтэй багш, соёл, урлагийн болон удирдах ажилтны төлөөлөл бүхий орон тооны бус “Арга зүйн зөвлөл” ажиллуулж болно.

1.6. Газар нь эрдэм шинжилгээ, арга зүй, мэдээлэл сурталчилгаа, лавлагаа, толь бичиг бүхий номын сан, сургалтын кабинет, лаборатори, мэдээлэл, сургалтын төв,уран бүтээлийн студи, түшиц цэцэрлэг, сургуультай байж болно.

Хоёр. Үндсэн үйл ажиллагаа

Газар нь дор дурдсан үндсэн үйл ажиллагааг хэрэгжүүлнэ.

2.1. Боловсрол, соёл, урлагийн талаарх төрийн бодлого, хууль тогтоомжийг сурталчлах, тэдгээрийн хэрэгжилтийг зохион байгуулах, үр дүнд хяналт-шинжилгээ хийж, үнэлгээ өгөх, гүйцэтгэлийг дүгнэж тайлагнах, мэдээлэх;

2.2. Боловсрол, соёл, урлагийг хөгжүүлэх орон нутгийн бодлого, чиглэлийг тодорхойлох, стратегийн төлөвлөлт, хэрэгжилтийн зохицуулалт хийх,хяналт-шинжилгээ, үнэлгээ өгөх;

2.3. “Аймаг, нийслэлийн Засаг дарга болон төсвийн ерөнхийлөн захирагчийн хооронд бүтээгдэхүүн нийлүүлэлт, санхүүжилтийн талаар байгуулсан гэрээ”-нд заасан бүтээгдэхүүн нийлүүлэлтийн биелэлтийг боловсрол, соёлын байгууллагаар хангуулах, үр дүнг тооцох, аудит хийлгэн дүгнэлт гаргуулах, түүний мөрөөр арга хэмжээ авах;

2.4. Төрийн өмчийн боловсрол, соёлын болон орон нутгийн байгууллагын үйл ажиллагааны төлөвлөгөө, төсвийн төсөл, төсвийн зарлага, санхүүжилтийн гүйцэтгэлийн болон бүтээгдэхүүн нийлүүлэлтийн тайланг гаргуулан үнэлгээ өгөх, тогтоосон хугацаанд холбогдох байгууллагад тайлагнах;

2.5. Боловсролын стандарт, үндэсний киррикюлим,сургалтын төлөвлөгөөг орон нутагт хэрэгжүүлэх ажлыг зохион байгуулах, холбогдох байгууллага, хүмүүст мэргэжил арга зүйн зөвлөгөө өгөх, судалгаа шинжилгээ хийх,гүнзгийрүүлсэн болон мэргэжлийн сургалтын төлөвлөгөөг батлах, хяналт тавих;

2.6. Нутаг дэвсгэрийн Боловсрол, соёлын байгууллагын оновчтой бүтэц, байршлыг бий болгох, тэднийг захиргааны болон мэргэжил-арга зүйн удирдлагаар хангаж ажиллах;

2.7. Аймаг, нийслэлийн бүх шатны сургууль, цэцэрлэг, соёл, урлагийн байгууллагыг мэргэжилтэй боловсон хүчнээр хангах бодлого боловсруулах,хэрэгжүүлэх, тэдний мэргэжлийг дээшлүүлэн чадавхийг нэмэгдүүлэх, ажиллах нөхцөлийг хангах, нийгмийн асуудлыг шийдвэрлэх;

2.8. Бүх шатны сургууль, цэцэрлэгийн багш, арга зүйч, соёл, урлагийн байгууллагын ажилтанг төр захиргааны байгууллагын шагналаар шагнуулах асуудлаар санал боловсруулан шийдвэрлүүлэх;

2.9. Боловсрол, соёл, урлагийн байгууллага,суралцагч, багш, ажилтан, ардын авьяастны дунд бага хурал, сургалт, семинар,олимпиад, уралдаан тэмцээн, урлагийн наадам зохион байгуулах, сурталчлах,тайлан мэдээг хугацаанд нь гаргах;

2.10. Бүх шатны сургууль, цэцэрлэг, соёл урлагийн байгууллагын үйл ажиллагаанд хяналт-шинжилгээ хийх, үнэлгээ өгөх, аттестатчилах, сургалтын байгууллага байгуулах, тэдгээрийн үйл ажиллагааг зогсоох талаар санал, дүгнэлт гаргах;

2.11. Сургууль завсардалтыг бууруулах, иргэдэд албан ба албан бус арга замаар боловсрол, мэргэжил олгох, соёл, урлагийн хүртээмжтэй, чанартай, үр ашигтай үйлчилгээ үзүүлэх;

2.12. Ерөнхий боловсролын сургуулийн төгсөлт болон мэргэжлийн сургуулийн элсэлтийн шалгалтыг холбогдох байгууллагатай хамтран дүрэм, журмын дагуу зохион байгуулах, зохих түвшний боловсрол эзэмшсэн иргэдэд олгох боловсролын гэрчилгээ, үнэмлэх захиалах, нэгж байгууллагад хүргэх, тайлан мэдээ гаргах;

2.13. Ерөнхий боловсролын сургууль, цэцэрлэг, дотуур байр, соёлын байгууллагын барилгыг засварлах, өргөтгөх, шинээр барих зэрэг хөрөнгө оруулалтыг төлөвлөх,хэрэгжүүлэх ажлыг зохион байгуулах;

2.14. Боловсрол, соёлын байгууллагыг ном, сурах бичиг, хөгжмийн зэмсэг, тоног төхөөрөмж, тавилга, компьютер, кабинет,лабораториор хангах ажлыг төлөвлөх, зохион байгуулах, ашиглалт, хамгаалалтыг сайжруулахад хяналт тавих;

2.15. Түүх соёлын дурсгалт зүйл, утга соёлын өвийг хадгалах, хамгаалах, сурталчлах, үндэсний дэвшилтэт зан заншлыг өвлүүлэх арга хэмжээг хэрэгжүүлэх, бүртгэл, мэдээллийн сан бүрдүүлэх.

Гурав. Зохион байгуулалтын бүтэц, үйл ажиллагааны хүрээ

3.1. Боловсрол, соёлын газар нь төрийн захиргааны болон мэргэжил-арга зүйн нэгжтэй байх бөгөөд төрийн захиргааны нэгжид дарга, боловсрол, соёл, төсөв,санхүүгийн асуудал хариуцсан мэргэжилтэн, мэргэжил-арга зүйн нэгжид арга зүйчид хамаарагдана. Газарт үйлчилгээний ажилтан ажиллана.

3.2. Газрын даргыг Боловсролын асуудал эрхэлсэн төрийн захиргааны төв байгууллагатай зөвшилцсөний үндсэн дээр аймаг, нийслэлийн Засаг дарга томилж, чөлөөлнө.

3.3. Газрын мэргэжилтэн, арга зүйчдийг боловсрол, соёл, урлаг, төсөв санхүүгийн мэргэжлийн ажилтнуудаас ажлын байрны тодорхойлолтод тавигдсан шалгуурын дагуу сонгон шалгаруулж, газрын дарга томилж, чөлөөлнө.

3.4. Боловсрол, соёлын асуудал эрхэлсэн төрийн захиргааны төв байгууллагаас баталсан ажлын байрны үлгэрчилсэн тодорхойлолтод нийцүүлэн дарга, мэргэжилтэн, арга зүйч, ажилтан нь ажлын байрны тодорхойлолтоо боловсруулж, даргаар батлуулан мөрдөнө.

3.5. Боловсролын болон соёлын асуудал хариуцсан мэргэжилтэн нь тухайн салбарын төрийн болон орон нутгийн бодлогыг хэрэгжүүлэх ажлыг зохион байгуулах, биелэлтэд хяналт тавих, үр дүнд үнэлгээ өгөх, орон нутгийн байгууллагуудыг мэргэжлийн боловсон хүчнээр хангах, сургууль, цэцэрлэгийн үйл ажиллагаанд хяналт-шинжилгээ хийх, үнэлгээ өгөх, аттестатчилах ажлыг зохион байгуулна.

3.6. Төсөв, санхүүгийн асуудал хариуцсан мэргэжилтэн нь боловсрол, соёлын байгууллагын эдийн засаг, санхүүгийн удирдлага болон тухайн жилийн төсвийг төлөвлөх, төсвийн гүйцэтгэл, нягтлан бодох бүртгэлийн хэрэгжилтийг зохицуулах,хяналт-шинжилгээ хийх, тайлан балансыг хянан нэгтгэж, зохих хууль тогтоомжийн дагуу тайлагнана.

3.7. Мэргэжил-арга зүйн нэгж нь багш, соёл, урлагийн ажилтныг мэргэжил-аргазүйн удирдлагаар хангаж, зөвлөн туслах, тэдний мэргэжлийг дээшлүүлэх,боловсрол, соёлын байгууллагын статистик, мэдээ тайланг гаргаж, холбогдох байгууллагад хүргүүлнэ.

Дөрөв. Эрх, үүрэг

4.1. Газар нь дор дурдсан эрхтэй:

4.1.1. Боловсрол, соёлын хөгжлийн асуудлаар холбогдох байгууллага, хүмүүст санал тавьж шийдвэрлүүлэх;

4.1.2. Батлагдсан төсөвт багтааж бүтэц, орон тоогоо тогтоох;

4.2. Газар нь дараах үүрэгтэй:

4.2.1. Нутаг дэвсгэрийнхээ боловсрол, соёлын байгууллагын үйл ажиллагааг захиргааны болон мэргэжлийн удирдлагаар хангах, үйл ажиллагаанд нь хяналт-шинжилгээ хийж, үнэлгээ өгөх;

4.2.2. Багшийг сургууль, цэцэрлэгт томилох,багшийг аттестатчилах, багшид мэргэжлийн болон багшлах эрх олгох, хасахад санал, дүгнэлт гаргах;

4.2.3. Боловсрол, соёлын ажилтны нийгмийн баталгааг сайжруулах, байгууллага, ажилтнуудын хөдөлмөрийг үнэлэх, шагнаж урамшуулах, бусад дэмжлэг үзүүлэх;

4.2.4. Орон нутгийн боловсрол, соёлын хөгжлийн бодлогод нийцүүлэн санхүүгийн нөөцөө оновчтой хуваарилан байршуулж, төсвөө бодитой төлөвлөх, санхүүгийн гүйцэтгэлийн тайланг шаардлагын дагуу үнэн зөв гаргаж, холбогдох байгууллагуудад мэдээлж тайлагнах;

4.2.5. Төсвийн байгууллагын удирдлага,санхүүжилтийн хуулийн дагуу үйл ажиллагааныхаа үр дүнг аймаг, нийслэлийн Засаг дарга болон Боловсрол, соёлын асуудал эрхэлсэн төрийн захиргааны төв байгууллагад тайлагнах, бүтээгдэхүүн нийлүүлэх гэрээгээ дүгнүүлэх;

4.2.6. Боловсрол, соёлын асуудал хариуцсан төрийн захиргааны төв байгууллагад статистик мэдээг зохих стандартын дагуу хугацаанд нь үнэн зөв гаргаж өгөх;

4.2.7. Боловсролын асуудал эрхэлсэн төрийн захиргааны төв байгууллагаас эрхлэн гаргаж буй тушаал, шийдвэрийн эмхтгэлийг орон нутагт татан авах, холбогдох байгууллага, хүмүүст сурталчлах ажлыг зохион байгуулах.

ТӨРИЙН БОЛОН ХУВИЙН ИХ, ДЭЭД СУРГУУЛЬ, КОЛЛЕЖИД 2012-2013 ОНЫ ХИЧЭЭЛИЙН ЖИЛД ЭЛСҮҮЛЭХ ОЮУТНЫ ТОО БАТЛАГДЛАА

 
Хавсралт

Эх сурвалж. БСШУЯ-ны веб сайт /www.mecs.gov.mn/

ҮНЭЛГЭЭНИЙ ХОРООНЫ ЗОХИОН БАЙГУУЛАЛТ, ҮЙЛ АЖИЛЛАГААГ ЗОХИЦУУЛАХ ЖУРАМ

Сангийн сайдын 2007 оны   3   дугаар

сарын  30 -ний өдрийн   81 дүгээр

тушаалын нэгдүгээр хавсралт

 

 

МОНГОЛ УЛСЫН САНГИЙН ЯАМ

 

ҮНЭЛГЭЭНИЙ ХОРООНЫ ЗОХИОН БАЙГУУЛАЛТ,

ҮЙЛ АЖИЛЛАГААГ ЗОХИЦУУЛАХ ЖУРАМ

 

 

ХУДАЛДАН АВАХ АЖИЛЛАГААНЫ БОДЛОГО,

ЗОХИЦУУЛАЛТЫН ГАЗАР

Улаанбаатар

2007 он

ҮНЭЛГЭЭНИЙ ХОРООНЫ ЗОХИОН БАЙГУУЛАЛТ,

ҮЙЛ АЖИЛЛАГААГ ЗОХИЦУУЛАХ ЖУРАМ

1.      Ерөнхий зүйл

1.1. Үнэлгээний хороо нь аливаа худалдан авах үйл ажиллагааг тухайн захиалагчийн өмнө хариуцан “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хууль / цаашид хууль гэх/ тогтоомж, энэхүү  журам болон  үнэлгээний зааварт нийцүүлэн хэрэгжүүлнэ.

1.2. Үнэлгээний хороо нь хуулийн 47.2 дахь хэсэгт заасны дагуу худалдан авах ажиллагааны журмыг сонгох, тендерийн баримт бичиг боловсруулах, тендерийн урилга зарлах, тендер хүлээж авах, нээх, тендерийн үнэлгээ хийх, үнэлгээ хийхэд зайлшгүй шаардлагатай мэдээллийг олж авах, үнэлгээний дүгнэлт гаргах, гэрээ байгуулах эрх олгох тухай зөвлөмж захиалагчид өгөх, тухайн тендер шалгаруулалтын хавтаст хэрэг бүрдүүлэх, гэрээ байгуулахад арга зүйн туслалцаа үзүүлэх  үүрэгтэй.

1.3. Захиалагч үнэлгээний хороог энэ журмын 2 дугаар зүйлд нийцүүлэн байгуулж түүнийг ажиллах нөхцөл бололцоогоор хангаж үйл ажиллагаанд нь хяналт тавина.

2. Үнэлгээний хорооны бүтэц, бүрэлдэхүүн

2.1. Үнэлгээний хороо нь гурав ба түүнээс дээш сондгой тооны гишүүдтэй байх бөгөөд захиалагч тэдгээрийн дундаас үнэлгээний хорооны дарга, нарийн бичгийн даргыг сонгож томилно. Үнэлгээний хорооны нарийн бичгийн дарга нь тухайн байгууллагын худалдан авалт хариуцсан мэргэжилтэн байвал зохино.

2.2. Үнэлгээний хорооны гишүүд хуулийн 47.3, 47.5-д заасан шаардлагыг хангасан байх бөгөөд энэ шаардлагыг хангаж буй тухайгаа захиалагчид энэ журмын хавсралт дахь маягтын дагуу бичгээр мэдэгдэх үүрэгтэй. Үнэлгээний хорооны гишүүн бүр дараах үйл ажиллагааг тус бүрдээ хариуцна:

2.2.1. Үнэлгээний хорооны гишүүнээр ажиллахад харшлах зүйлгүй болохыг захиалагчид бичгээр мэдэгдэх,

2.2.2. Үнэлгээ хийхэд шаардлагатай хууль, дүрэм, заавар, журмыг бүрэн ойлгосон байх,

2.2.3. Тендерийн баримт бичиг боловсруулахдаа захиалагчийн шаардлагыг бүрэн хангахуйц, өрсөлдөөнийг дэмжсэн, хууль тогтоомжид нийцсэн байх шаардлагыг баримтлах,

2.2.3. Тендерийн баримт бичигт урьдчилан тусгасан үнэлгээний шалгуур үзүүлэлт, аргачлалын дагуу бүх тендерийг үнэлэх,

2.2.4. Үнэлгээний хорооны хуралдаанд оролцох, шийдвэр гаргахад өөрийн саналыг хараат бусаар өгч оролцох,

2.2.5. Үнэлгээний хорооны хурлын тэмдэглэл, үнэлгээний дүгнэлтэд гарын үсэг зурах.

2.3. Үнэлгээний хорооны дарга, нарийн бичгийн дарга нь энэ журмын 2.2-т заасны дагуу бусад гишүүдийн адил эрх, үүрэгтэй оролцох бөгөөд дараах нэмэлт чиг үүргийг тус тусдаа хариуцна:

2.3.1 Үнэлгээний хорооны дарга нь хуралдааныг товлох, үнэлгээний хорооны үйл ажиллагааг удирдан зохион байгуулах, үнэлгээний хорооны үйл ажиллагаанд хууль тогтоомжийн биелэлтийг хангуулах;

2.3.2 Үнэлгээний хорооны нарийн бичгийн дарга нь хуралдааныг зарлан мэдээлэх, зохион байгуулах, худалдан авах ажиллагаанд баримтлах хууль, тогтоомжийн талаарх мэдээллээр гишүүдийг хангах, тухайн худалдан авах ажиллагаатай холбоотой бүх баримт, материалыг бүрдүүлж, хавтаст хэрэг хөтлөх, баримтжуулж, хадгалах;

2.4. Тендер шалгаруулалтыг зохион байгуулахад зайлшгүй шаардлагатай тодорхой үйл ажиллагааг хэрэгжүүлэхтэй холбоотой нарийн мэргэжлийн ажилтан/мэргэжилтэн/ захиалагчийн боловсон хүчний дотоод нөөцөд байхгүй буюу тусгайлсан мэдлэг шаардлагатай бол захиалагч байгууллагын дарга өөрийн санаачлагаар, эсхүл үнэлгээний хорооны хүсэлтээр мэргэжлийн шинжээч, зөвлөхийг томилон ажиллуулж болно. Мэргэжлийн шинжээч буюу зөвлөхийг сонгоход Төрийн албаны тухай хууль болон бусад холбогдох хууль тогтоомжид нийцүүлэн түүний харьяалагдах байгууллагын удирдлагатай нь зөвшилцөнө.

2.5. Үнэлгээний хорооны бүрэлдэхүүнд тухайн салбарын буюу мэргэжлийн төрийн бус байгууллагын төлөөлөгчийг оруулах бол түүнд үнэлгээний хорооны ахлагч болон нарийн бичгийн даргын үүргийг хариуцуулахгүй.

2.6. Үнэлгээний хорооны гишүүд илүү цагаар ажилласны хөлс, урамшуулал болон мэргэжлийн шинжээч, зөвлөхийг урьж ажиллуулсан тохиолдолд тэдэнд цалин, урамшуулал олгох нь зүйтэй гэж захиалагч үзвэл Хөдөлмөрийн тухай хууль болон холбогдох бусад хууль тогтоомжын дагуу шийдвэрлэнэ.

3. Үнэлгээний хорооны хуралдаан

3.1. Үнэлгээний хорооны үйл ажиллагаа нь хуралдааны хэлбэрээр зохион байгуулагдах бөгөөд хуралдаанаас хамтын шийдвэр гаргана.

3.2. Үнэлгээний хорооны хуралдаан гишүүдийн олонхийн ирцтэйгээр хүчин төгөлдөрт тооцогдоно.

3.3. Хуралдаанаас шийдвэр гаргахдаа илээр санал хураах бөгөөд үнэлгээний хороонд томилогдсон нийт гишүүдийн олонхийн санал авснаар уг шийдвэр хүчин төгөлдөр болно. Үнэлгээний хорооны бүх гишүүд саналын тэгш эрхтэй байна.

3.4. Үнэлгээний хорооны шийдвэрийг хуулийн 47.6 дахь хэсэгт заасны дагуу үнэлгээний хорооны хуралдааны тэмдэглэлд тусгаж, уг хуралдаанд оролцсон бүх гишүүд гарын үсэг зурж баталгаажуулна.

3.5. Үнэлгээний тэмдэглэл хөтлөх, шийдвэрийг баталгаажуулах ажлыг үнэлгээний хорооны нарийн бичгийн дарга хариуцна.

3.6. Үнэлгээний хорооноос гаргасан эцсийн шийдвэр буюу хамгийн сайн үнэлэгдсэн тендер ирүүлсэн оролцогчтой гэрээ байгуулах эрх олгох тухай зөвлөмж, эсвэр бүх тендерээс татгалзах тухай шийдвэрийн төслийг үнэлгээний дүгнэлт хэлбэрээр бэлтгэж, захиалагчид хүргүүлнэ. 

4.      Үнэлгээний хорооны үйл ажиллагаанд баримтлах журам, заавар

4.1. Үнэлгээний хорооны үйл ажиллагаа нь  “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хууль, холбогдох бусад хууль тогтоомжид нийцсэн байна.

4.2. Үнэлгээний хороо хуулийн 47.2 дахь хэсэгт заасан чиг үүргийг хэрэгжүүлэхдээ дараах журам, зааврыг мөрдөж ажиллана:

4.2.1. Тендерийн баримт бичиг боловсруулахдаа Сангийн сайдын 2006 оны 418 дугаар тушаал, Санхүү, эдийн засгийн сайдын 2002 оны 74, 309 дүгээр тушаалаар тус тус батлагдсан тендерийн жишиг баримт бичгийн аль тохирохыг ашиглах,

4.2.2. Тендер шалгаруулалтыг зарлан мэдээлэхдээ “Босго үнэ батлах тухай” Засгийн газрын 2006 оны 22 дугаар тогтоол, Сангийн сайдын 2006 оны 55 дугаар тушаалаар батлагдсан “Цахим сүлжээнд, тендерийн урилга, үр дүнг зарлан мэдээлэх журам”-ыг баримтлан нийт төсөвт өртөг нь хуулийн 8.1.5 дахь заалтад заасан босго үнээс давсан худалдан авах ажиллагааг цахим хуудас / www.e-procurement.mn/-нд зарлан мэдээлэх,

4.2.3. Тендерийг үнэлэхэд Сангийн сайдын тушаалаар батлагдсан “Бараа, ажлын тендерийн үнэлгээний заавар”, “Дотоодын давуу эрх тооцох аргачлал, заавар” болон үнэлгээний хорооноос боловсруулсан тухайн тендерийн баримт бичгийг баримтлах,

4.2.4. Холбогдох бусад хууль, тогтоомж, журам зааврууд

5. Үнэлгээний хорооны дүгнэлт, түүнээс татгалзах, дахин үнэлгээ хийх

5.1. Үнэлгээний дүгнэлтэд үнэлгээний хорооны хуралдааны шийдвэрүүд/хуралдааны тэмдэглэлүүд/, гэрээ байгуулах эрх олгох тухай, эсхүл  тендер шалгаруулалтыг хүчингүй болгох тухай зөвлөмж, Сангийн сайдын 2007 оны ... сарын .. өдрийн .. тушаалын хоёрдугаар хавсралтанд тусгагдсан үнэлгээний зааврын дагуу бэлтгэсэн холбогдох маягт, тооцоо, бусад үндэслэлүүдийг тусгасан үнэлгээний тайланг хавсаргана.

5.2. Үнэлгээний дүгнэлт нь хууль, тогтоомж болон тендерийн баримт бичигтэй нийцээгүй, тэдгээрийг илт зөрчсөн бол захиалагч байгууллагын дарга үнэлгээний дүгнэлт хүлээн авснаас хойш ажлын 3 хоногийн дотор энэхүү зөрчлийг арилгах тухай шаардлагыг үнэлгээний хороонд бичгээр мэдэгдэнэ. Энэхүү мэдэгдэлд зөрчлийн үндэслэл, тайлбарыг заавал дурдсан байна.

5.3. Үнэлгээний хороо нь захиалагч байгууллагын даргын мэдэгдлийг хүлээн авсан даруй буюу ажлын 3 хоногт багтаан хуралдаж дараах шийдвэрийн аль нэгийг гаргаж, захиалагчид хүргүүлнэ. Үүнд:

5.3.1. Захиалагчийн бичгээр ирүүлсэн шаардлагад дурдсан алдаа, зөрчил нь үндэслэлтэй бол түүнийг хууль тогтоомжид нийцүүлэн залруулах тухай шийдвэр гаргаж, уг шийдвэрийг үндэслэн дахин дүгнэлт гаргах;

5.3.2. Урьд гаргасан шийдвэр, дүгнэлтээ үндэслэлтэй болохыг нотолж, хэвээр үлдээх шийдвэр гаргах.

6. Үнэлгээний хорооны үйл ажиллагаанд хяналт тавих, гэрээ байгуулах эрх олгох

6.1. Захиалагч үнэлгээний хорооны үйл ажиллагааг дараахь байдлаар хянаж баталгаажуулна. Үүнд:

6.1.1. Үнэлгээний хорооноос боловсруулсан тендерийн баримт бичиг, үнэлгээний дүгнэлтийг  хянаж, баталгаажуулах,

6.1.2. Тендерт оролцогчоос хуулийн 54.1 дэх хэсгийг үндэслэн тухайн тендер шалгаруулалттай холбоотой гарсан гомдлыг хянан, шийдвэрлэх,

6.1.3. Захиалагч шаардлагатай гэж үзсэн тохиолдолд үнэлгээний аль ч шатанд үнэлгээний хорооны үйл ажиллагаанд хяналт тавьж болно.

6.2. Хуулийн 53.1 дэх хэсэгт заасан нөхцөл үүссэн бол захиалагч 6.1.1-т заасан хяналт тавьсны үндсэн дээр эцсийн шийдвэр гарах(тендерийн урилгыг зарлан мэдээлэх, мөн гэрээ байгуулах эрх олгох, тендер шалгаруулалтыг бүхэлд нь хүчингүй болгох)-аас өмнө Төсвийн асуудал эрхэлсэн төрийн захиргааны байгууллагад бичгээр хүсэлт гаргаж түүнд үнэлгээний дүгнэлтйг хавсаргана.

6.3. Төсвийн асуудал эрхэлсэн төрийн захиргааны төв байгууллагатай харилцахдаа зөвхөн захиалагч байгууллагын даргаар дамжина.

6.4. Захиалагч үнэлгээний дүгнэлтийг хүлээн авснаас хойш, шаардлагатай бол хуулийн 53 дугаар зүйлийн дагуу Сангийн яамаас холбогдох зөвшөөрөл авснаас хойш ажлын 3 хоногийн дотор зөвхөн үнэлгээний дүгнэлт буюу холбогдох зөвшөөрөлд үндэслэн гэрээ байгуулах эрхийг хамгийн сайн үнэлэгдсэн тендер ирүүлсэн этгээдэд олгоно.

6.5. Хуулийн 53.4.2-т заасан үндэслэлээр Сангийн яамнаас тендер зарлах, гэрээ байгуулах зөвшөөрөл олгоогүй тохиолдолд захиалагч уг мэдэгдлийг хүлээн авснаас хойш ажлын 3 хоногийн дотор зөрчлийг арилгуулсны үндсэн дээр дахин зөвшөөрөл авах хүсэлтээ тавьж, шийдвэрлүүлнэ.

6.6. Захиалагч байгууллагын тухайн тендер шалгаруулалттай холбоотой хуулийн 49.2.1- 49.2.9 –т заасан бүх баримт материалыг үнэлгээний хорооны нарийн бичгийн дарга бүрдүүлж, архивт шилжүүлнэ. Харин хуулийн 49.2.10-т заасан гэрээг дүгнэж, бараа, ажил үйлчилгээг хүлээж авсан баримт, материалыг тухайн гэрээний хэрэгжилтийг хариуцсан зохин албан тушаалтан бүрдүүлж, архивлана.

7. Хариуцлага

7.1 Үнэлгээний хорооны шийдвэр, дүгнэлт нь хуулийн 57 дугаар зүйлийн 1 дэх хэсгийн холбогдох зүйл заалтыг зөрчсөн нь тогтоогдвол уг шийдвэрийг дэмжсэн хорооны гишүүд адил хариуцлага хүлээнэ.

7.2  Үнэлгээний хорооны шийдвэрээс эсрэг саналтай гишүүн хурлын тэмдэглэлд саналаа тэмдэглүүлсэн нь түүнийг хариуцлагаас чөлөөлөх үндэслэл болно.

7.3 Үнэлгээний хорооны гишүүн нь хууль зөрчсөн гэж захиалагч үзсэн, мөн үнэлгээний хорооны гишүүнээр ажиллахад ашиг сонирхлын зөрчил үүссэн учир өөрөө татгалзсан тохиолдолд захиалагч үнэлгээний хорооны гишүүн, эсвэл зарим гишүүдийг, түүнчлэн бүх гишүүдийг өөрчилж, чөлөөлж, нөхөн томилж болно.

---------------000-----------------

ХАВСРАЛТ

ҮНЭЛГЭЭНИЙ ХОРООНЫ ГИШҮҮНЭЭР АЖИЛЛАХЫГ

ЗӨВШӨӨРСӨН МЭДҮҮЛЭГ

(Үнэлгээний хороонд томилогдсон гишүүдэд хамаарна)

…………………………………………………………………………….. ............................  би

(ҮХ-ны гишүүний нэр, албан тушаал)

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 46.1.1, 46.2, 47.1-т заасны дагуу   захиалагч байгууллагын нэр, тухайн байгууллагын төсвийн ерөнхий менежер (цаашид захиалагч гэх)-ын  ...................................... тоот тушаал/захирамж – аар байгуулагдсан үнэлгээний хорооны бүрэлдэхүүнд гишүүнээр томилогдон ажиллахыг зөвшөөрч, энэхүү мэдэгдлээр дараах баталгааг гаргаж байна:

Нэг.

1.1.  Би тухайн тендер шалгаруулалтад оролцогч талуудтай сонирхлын зөрчилгүй, хэрэв сонирхлын зөрчил бий болох нөхцөл үүссэн тохиолдолд шударгаар мэдэгдэж, үнэлгээний хорооны гишүүнээс татгалзана;

1.2.  Үнэлгээний хорооны дүгнэлт гаргах ажиллагаанд хувийн сонирхолоор бус, хөндлөнгийн байр сууринаас хандана;

1.3.  Миний хараат бус, хөндлөнгийн байр сууринаас хандах байдалд нөлөө үзүүлэхүйц нөхцөл байдал байхгүй;

1.4.  Үнэлгээний хорооны гишүүнээр томилогдсоноос хойш, үнэлгээ хийх явцад энэ мэдэгдлийн 1.1-1.3-т дурдсан нөхцөл байдал үүсвэл Захиалагчид нэн даруй мэдэгдэнэ.

Хоёр.

            2.1. Тендерийн баримт бичиг боловсруулах, тендерийн үнэлгээ хийх ажиллагааг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, тогтоомж болон Сангийн сайдын 2007 оны 81 дүгээр тушаалаар батлагдсан “Үнэлгээ хорооны зохион байгуулалт, үйл ажиллагааг зохицуулах журам”, “Тендерийн үнэлгээний заавар”-т заагдсан эрх, үүргийн дагуу шуурхай, шударга хийж гүйцэтгэнэ.

Гарын үсэг:     ______________________________________

Огноо:             ______________________________________

Албан ажлын хэрэгцээнд:

	Овог, нэр	Албан тушаал	Гарын үсэг	Огноо	Цаг, минут
Хүлээн авсан
Хүлээлгэн өгсөн