Эх дэлхийгээ аврахад та юу хийж чадах вэ?

Бидний  үе шийдвэрлэх чухал үед төрсөн үе юм. Эрдэмтдийн тооцоолж байгаагаар бидэнд ирээдүйгээ аварч, дэлхийн уур амьсгалын өөрчлөлт, байгалийн баялгийн баялгийн хоосрол сүйрлийг зогсооход 10-хан жилийн хугацаа байна. Тоглоом дууссан. Бидний болон бидний үр хүүхдийн амьдралд аюулд өртөөд байна. Өнөөдөр бид зарим нэг зүйлийг өөрчлөх чадалтай байгаа боловч бүгд нэгдэх нь хамгийн чухал байна. Хэдий чинээ бид олуулаа болно, тэр хэмжээгээр бидний дуу хоолой чанга байх болно 

"Гэр" кино нь дэлхийг ирээдүйг аврахыг уриалсан кино юм. Тиймээс энэ кино нь үнэ төлбөргүйгээр тараагдаж, олон хэл дээр орчуулагдсан байна. Харин монгол хэл дээр орчуулагдаж гарч байсныг нь сайн мэдэхгүй юм.

Киног бүтээгчид буюу компании PPR Group и EuropaCorp үүнийг арилжааны зорилгоор хэрэглэхгүй үнэ төлбөргүй тараахыг зөвшөөрсөн. 

Гэр кино нь бидний төлөө бүтээгдсэн. Үүнийг үзээд бусад хүмүүст тараагаарай. 

Эх дэлхийдээ бүгд туслах хэрэгтэй байна. 

Энэ киног хамтран орчуулж Монгол хэл дээр түгээхийг уриалж байна

License:

Standard YouTube License

Таалагдлаа - Хүний өгүүллэг

Бүгдийг худалдаж авна

 
Эх сурвалж: http://tsenher.blog.banjig.net

Хэмжээлшгүй баян нэг нөхрийн машинд араасаа мөргүүлсэнээсээ хойш би гэдэг хүн аз шовойхоо болив. Явган хүний гарцан дээр улаан гэрлээр зогсож байтал, нэг аймаар том ганган жийп араас мөргөөд, муу Соната-гийн минь хойд талыг цөм шаачихдаг байна. Арван жил амрахгүй ажиллаж, цуглуулсан мөнгөөрөө үнэ “зодож” худалдаж авсан өнөөх муу машиныг минь том жийпээрээ явлаагны хайрцаг шиг шамшийлгасан өөх махандаа баригдсан өвөөгийн банхар шиг дуутай нөхөр,

 

-Өө, чааваас Соната-3 байсан юм уу? Миний нэг цагийн дотор олдог мөнгөнөөс бага үнэтэй юм байна гэж дээрэлхэхэд би мөчөөгөө өгөлгүй,

-Хямдхан ч гэсэн энэ машиныг би улсаа “луйвардаж” аваагүй юм гээд тавьчихлаа. Тэгтэл нөгөө махлаг эр түнтийтлээ улайж, бүх биеэрээ өөхөн бөмбөлөг болон хувирч, хариугүй тэсрэх нь үү дээ гэмээр болсоноо шүдээ зуун ,

- Нусан буу минь, сэвстэй гүзээнийхээ бүтэн дээр нүднээс далд орж үз. Чамд би энэ ямбийг чинь хоёр дахин нугалаад төлчихье гэж даналзав. Муу өмхий гахайг харахаас өөрийн эрхгүй нүд хорсоод байсан тул,

-Цагдаа дуудаж учраа олно гээд гүрийлээ.

-Өмсөж яваа хувцасны тамтагыг нь хар даа. Улаан загалмайн тусламжын тамтаг “нөмөрчихөөд” их зантай нусгай байна. Өгөөмөр зангийг минь дуусахаас өмнө хүссэн үнээ хэлээд зайлаад өгөөч гэж  өнөө “мангас” цохиж авахаар гараа далайхад  эрхбиш эр хүссэндээ би түүний ариун “мутрыг” нь амжиж барилаа. Гэтэл түүний дэргэд түрүүнээс хойш муухай хараад зогсож байсан өвлийн идшинд “сүхдчихмээр” байрын булиа  залуу ухасхийн гүйж ирээд намайг шилэн хүзүүнээс заамдаж аваад агаарт хий сарвалзуулах нь тэр.

-Зөрүүдлээд байвал хүзүүгий чинь хуга мушгина шүү. Эзний хэлсэнийг зөвшөөр. Эс тэгвэл дараа нь амаа барина шүү гэж булиа залуу үнэнч албатын ёсоор намайг тавлав. Агаарт дөрвөн мөчөө хий савлан дүүжигнэх хирнээ би алийгаа алдаж, албат боолын жишгээр гөлөг царайлж, бууж өгсөнгүй, аминдаа цагдаа ирэх бол уу гэж сэм горьдон, нохойд бариулсан зурам шиг сарвалзсаар байтал манай хөрш хасаг айл Аллах бурханаа явуулсан уу яасан гэнэт замын цагдаагийн эргүүл бөөнөөрөө “буу”-лаа. Том жийпний эзэн өнөө муу гахай, цагдаа нарыг тосож очоод,

-Хар даа та нар. Америкийн элчинтэй уулзахаар яарч явсан юм. Гэтэл энэ нэг ямбий гай урд салгалж явсанаа гэнэт тоормослоод хамаг ажил баллаад хаячихлаа. Энэ муугийн ямбий ч гайгүй байна. Миний жийп хоёр зуун тавин мянган долларын үнэтэй эд. Урд гупер нь гэхэд арван таван мянган доллар гэж цагдаад “мат”-лаа. Урд гупер нь гэхэд л миний машинаас гурав дахин үнэтэй байна гэж хаашаа харсан тэнгэр вэ? Аллах тэнгэр үү, Ийсүс тэнгэр үү? Манай бурхан л лав биш дэг ээ...Цагдаа нарын нэг нь хамгаалагчын гарт хамаг байдаг улаан загалмайн “гоё” хувцсаа навсайтал ноолуулсан намайг хуруугаараа чичиж,

-Сүүлийн үед иймэрхүү үл бүтэх этгээдүүд муу машинаа “сайжруулах” гэж иймэрхүү арга заль зохиодог болсон нь нууц биш юм. Би ийм этгээдүүдтэй  сүүлийн үед байнга тааралддаг болсон гэхэд том жийпний эзэн цүнхнээсээ боодол мөнгө гаргаж түүнд өгтөл өнөөх цагдаа над руу муухай харж,

-Энэ нөхөр бол тэдний нэг гэдэг нь эргэлзээгүй гэсэнээ түүнд дахин боодол мөнгө харуулахад хоолойгоо зассанаа,

-Үнэнийг хэлэхэд энэ нөхөртэй би гуравдахь удаагаа “халуун цэг” дээр уулзаж байна. Энэ нөхөр иймэрхүү “луйвраар” баяжина гэж дэндүү итгэсэн дуракуудын нэг гэж над руу дайрлаа. Эзэн түүнд харуулсан мөнгөө шидээд,

-Энэ этгээдээ яахаа та нар өөрсдөө мэд. Би та нарт өгдөгөө өглөө. Өөрсдөө үлдсэнийг нь зохион байгуулаарай. Мөн орлогч даргадаа ийм явдал болсоныг сайн ойлгуулаарай. Миний нэрийг хэлэхэд та нарт баяр хүргэнэ гээд явж одлоо...Ингэж би машингүй,  үнэмлэхгүй хоцорсон юм. Шударга ёс гэж байдаг бол эцсээ хүртэл “үзье” гэж бодоод танил өмгөөлөгчтэйгээ уулзлаа. Танилын нүүр халуун болоод тэр үү нөгөөх чинь жаахан тээнэгэлзэж байсанаа хуушуурын гуанзанд надтай хэдэн хуушуур ундаатай ууж идээд, “хөөцөлдөхөөр” болов. Шүүх хурал эхлэхэд миний өмгөөлөгч ирдэггүй. Хожим сонсох нь ээ нөгөө босс түүнийг “дарамталсаар” байгаад “амы” нь барьжээ. Харин шүүх хурал миний өмгөөлөгч  “санаатайгаар” дуудсан цагт “ирээгүй” учир өмгөөлөгчгүйгээр шүүх хурлыг явуулахаар болж, гэмгүй сайхан хүнийг гүтгэж, албаны том дарга төдийгүй алтны уурхайн баян захирлын үнэтэй эд хөрөнгийг гэмтээсэн учир надад гурван жилийн ял өглөө. Арав хоногийн дотор хотын шүүхэд давж заалдах эрхтэй тул хотын шүүгч хамаатантайгаа уулзахаар очвол,

-Намайг ажилгүй болгохыг хүсвэл хотын шүүхээр бүү заргалдаарай гэж уйлагнав. Учир юу гэвэл нөгөө аймаар “босс” миний хамаатан гэдгийг мэдээд түүн рүү төлөөлөгчөө явуулж “заналхийлэл” гэдэг захиран тушаах “тэсрэх бөмбөг”-өөр амь амьдралыг нь ацан шалаанд унагаж дөнгөжээ. Тэгэхэдээ хамаатан маань надтай нэг л адилхан Добу мэргэний “үр сад” болохоор амиа “хоохойлох” гэж ялааны хор ууж, хордлогын төвд хэвтэх хооронд нь миний бие бөх “зүрх” гарган, хотын шүүхээр заргалдсан боловч нөгөө босс хотын шүүхийг цэвэрлэгчтэй нь худалдаж авсан болохоор миний талд төрийн “шударгуу” хууль үл үйлчлэв. Эцсийн вариант дээд шүүх үлдлээ. Өмгөөлөгч нарын холбоон дээр шүүгч авахаар очтол бүх шүүгч нарыг сайхь эр “урхидаж” амжжээ. Аргаа бараад хүний эрхийг хамгаалах олон улсын байгууллагад хандаж НҮБ-ын ерөнхий нарийн бичгийн даргад өргөдөл бичсэний хүчинд намайг эх орноосоо хол ардчилал жинхэнэ утгаараа хөгжсөн гадаад  оронд эрхийг минь хамгаалан, цагаачлан суурьшуулах шийдвэр гарч би хүний нутгыг зорив... Хаус өглөө. Шинэхэн жийп машиныг дэлгүүрээс хүнсээ авч бай гэж өгөв. Бороогүй өдөр хоёр давхар хаусныхаа гадна талын усан бассейнд орсоныхоо дараа, нуруугаа шаран торгон элсэн дээр хэвтэхэдээ би өнгөрсөн амьдралаа бодоод инээд хүрнэ. Дээд шүүхэд очсон бол яах ч байсан юм билээ. Насаараа хоригдох ял өгөх ч байсан бил юм үү, болохоо байгаад Үндсэн хуулийн цэцэд заргалдсан бол Монгол улсын иргэнээс хасах ч байсан билүү хэн мэдлээ... Сониноос саяхан би нэг бороотой өдөр явж байгаад машинаа араасаа “хусуулчихдаг” байгаа. “Хуссан” нөхөр өөрөө цагдаа, түргэн тусламж дуудлаа. Манайхаар бол бүхэл бүтэн аврах баг л ирэх юм. Доргилтоос гэмтэл авсан уу гээд газар дээр эмнэлгийн мини-автобусанд оруулаад бүх юм шалгалаа. Гэмтэл үгүй боловч заавал эмчийн хяналтанд долоо хоног эмнэлэгт хэвтэх ёстой гэнэ. Харин эмнэлгийн үзлэгээр нутагтаа байхадаа араасаа “шаалгаад” тархи нуруундаа гэмтэл авсаныг минь олж тогтоов. Тархи нурууны гэмтэлтэй хүнийг “мөргөсөн” гээд нөгөө намайг “хусдаг” гадаад иргэн эрхээ хасуулаад зогссонгүй надад бүх насаар минь төлбөр төлөх болсонд би гуйж байгаад болиулсан. Хүнд гэмтэлтэй цагаач иргэнийг мөргөсөн гээд хотын иргэд жагсаал хийж, хотын мэрийг, цагдаагийн даргатай нь огцруулав. Хотын захиргаа надад бүх насаараа тус хотод амьдрах эрхийг өгсөний хажуугаар би сар бүр ослын төлбөр үндсэн тэтгэмж дээрээ нэмж авахаар болов. Миний аз шовойв. Бороотой үед зам хальтиргаатай байдагыг анхааруулсан рекламанд тоглоод би баахан мөнгө саалаа.  Үнэгүй өмгөөлөгч маань надад маргааш шүүх хуралтайг сануулж утастдав. Шуудан зөөгч дугтуйтай захидал авчирч өгсөнийг задалбал маргааш шүүх хуралд дуудсан албан бичиг байх юм. Миний эрхийг зөрчигдөх вий гэж эмээсэн олон нийтийн хүний эрхийг хамгаалах байгууллагууд, шүүх өмгөөлөлийн газрууд мөн олон нийтийн төлөөлөгчид, хэвлэл мэдээлэлийнхэн миний шүүх хуралд оролцох гэнэ лээ. Гадаадаас хүртэл сурвалжлагч нар  ирнэ гэсэн. Монголын сэтгүүлчдийн виз Бээжинд гараасай... Ардчилсан орон гэж ямар байдагыг мэдэг... Нөгөө “мангас” төвийг сахисан, ардчилсан үндсэн хуультай, холбооны засаглалтай энэ улсын элчин сайдыг “худалдаж” аваагүй тохиолдолд шүү...

Англи хэлний хамгийн түгээмэл хэлц үгс

View more documents from Munkh Orgil.

Шүлэг бидэн хоёр

Би чадку ээ шүлэг бичих гэхдээ дуртай
Билэг танхай найрагч биш ч үг холбох дуртай
Бичиж чадаагүй ч бусдын бичсэнийг унших дуртай
Бас болоогүй тэрнийгээ та нартай хуваалцахад бүр ч дуртай

Гуниглах ганцаардах уйтгарын

Гэрэл нь болсон мөрүүд минь

Гэнэхэн ухаажсан сэтгэлийн минь

Гэрч нь болсон мөрүүд минь дээ

Миний блогт элдэв шүлэг бичих орон зай заавал байх ёстой

Англи хэлний дүрмийн мэдлэг

English syntax

View more documents from Munkh Orgil

Finance English

Таны мэдлэг оюунд тус нэмэр болох болов уу.

Санхүүгийн англи хэлний товч тайлбар толь

View more documents from Munkh Orgil.

Амралт нэртэй ажил үргэлжилдэг өдрийн хайлал

Та уншихгүй байх эрхтэй бас тэр нь ч дээр 

Амралтын өдрийн өглөө бүтэн өдөр хийгээд дуусахгүй албаны ажлын жагсаалт, амжуулах ёстой хувийн асуудал, алс ирээдүйн хальтхан бодол гээд холимог хуурга бодогдсоор босч ирлээ. 

Цаг хугацаа улиран одож, хүний хөгжил сэтгэхүй, хэл сэтгэхүй хувьсан өөрчлөгдөж байна. 

Хэрвээ тэр түмэн зүйлийн бодлыг 100 жилийн өмнө хярамцагтай, Зөвлөлт ахын үед борщтой зүйрлэх энэ цаг үед хамгийн их олон төрлийн орцтой, олдоц ихтэй хоол нь холимог хуурга ажээ. 

Төр улсын амьдрал бидний амьдралыг зохицуулж байгаа ч ингэж хувийн амьдралд хэтэрхий гүн шургалан орж ирж, өглөөний бодол, оройн яриа сэдэв болдог байсан үе зөвхөн хувьсгалын үеүүдэд тохиодог байх. 

Тэгвэл нэг нэгнийгээ барьж хорьж, өмгөөлж хамгаалж байгаа энэхүү улс төрийн нэгэн төрлийн жүжиг биднийг үнэ төлбөргүй хүчээр үзүүлж, ярианы гол сэдэв болж. 

Гэтэл миний хувьд тэр улс төрийг ярьж байсны оронд хэнд ч хэрэггүй телевизийн хөтөлбөрийн зарын сэтгүүл үзэж байсан нь дээр мэт санагдана. 

Өчигдөр төр гэж хэсэг хүмүүсийг хэлнэ гэж зааж байна. Тэгвэл жил бүр миссээ шалгаруулдагийн нэгэн адил ард түмэн /өөрөөр хэлбэл би бас/ 4 жилийн турш төрийг төлөөлөх хэсэг бүлэг хүмүүсийг уралдаж байгаа бас арай томхон олонлогоос сонгодог. 

Бид шүүж тунгааж сонгосон юм чинь сайн хүмүүсийг л сонгосон байх. Гэтэл тэр хүмүүс нэг нэгнээ таваг хоол, талхны мөнгөнөөс урж тасдах ноход гэлтэй айхтар муу хүмүүс байсныг дөрвөн жилийн төгсгөл бүрт гарах юм. 

Тэхээр бид хүн таньж сонгодоггүй гэж үү?

Эсвэл тэр сонголт хийгээд байгаа олонлог дотор сайн хүн байгаагүй гэж үү?

Ер нь төрийн төвшин удирдах сайн гэж хэн бэ?

Тийм хүн ер нь байдаг юм уу? 

Гүй дээ гүй. Хүн бүр л сайнтай муутай адилхан. Харин өнөөгийн нийгэм, ард түмэн өөрсдөө тэр хүмүүсийг муу болох үндсийг тавьж байна. Өдөр бүр хоолоо халбагдуулахыг хүсч байгаа арчаагүй залхуу ард түмэн тэднийг хуулийн дагуу, чин шударгуу ажиллах боломж олгохгүй. Авилга өгч бас өөрөө хамтран хувь хүртэхийг хүсч байна. Тэднийг илүү их мөнгө, боломжгүй зүйлийг асар хурдан хугацаанд хийхийг шаардаж тэр хүмүүсийг худал амлаж, хуурамж зүйл хийх үндсийг бүрдүүлж байна шүү дээ.  

Тэхээр нөхцөл нийгэм нь ийм байгаа юм чинь сонгууль өгч, мэдрэл муутай нэгний тэнэг үйлдэлд өртөх эрсдэлд учирч байхаар сонгуулийн өдөр хээр очиж, мах шарж идсэн нь дээр.

Биеэ засаад гэрээ засч л байя. Тэхээр аяндаа төр засагдана. 

Тиймээс энэ улс төрийн жүжгийг үзэж нэрвээ барж, цагаа үрж байхаар өөрийн шоргоолжны амьдралын нэг ч гэсэн ажлыг амжуулж байя. 

Ингээд холимог хуурганаасаа нэг ч гэсэн орцыг авч хаялаа. Миний энэ хоолны шингэц нь арай дээрдсэн байх.

Засгийн газрын 2012 оны 94-р тогтоол - Хувьсах зардлын норматив

 Текстэн хувилбараар үзэх бол Үргэлжлэл дээр дарна уу

2012 оны  З дугаар                                                                                      Улаанбаатар

сарын  28-ны  өдөр                                   Дугаар 94                                          хот

                                                        Зардлын дундаж норматив батлах тухай

            Сургуулийн өмнөх боловсролын тухай хуулийн 15.1, 15.2, Боловсролын тухай хуулийн  40.2, 40.3, Мэргэжлийн боловсрол, сургалтын тухай хуулийн  23.1.1, 23.1.2-т  заасныг тус тус үндэслэн Монгол Улсын Засгийн газраас ТОГТООХ нь:

1. Сургуулийн өмнөх боловсрол эзэмшүүлэхэд нэг хүүхдэд ногдох хувьсах зардлын дундаж нормативыг 1 дүгээр, Ерөнхий боловсролын сургуулийн нэг суралцагчид бага, дунд боловсрол эзэмшүүлэхэд ногдох хувьсах зардлын дундаж нормативыг 2 дугаар, Ерөнхий боловсролын сургууль, мэргэжлийн болон техникийн боловсрол эзэмшүүлэх сургалтын байгууллагын дотуур байрны нэг суралцагчид ногдох хувьсах зардлын дундаж нормативыг 3 дугаар,  Мэргэжлийн болон техникийн боловсрол эзэмшүүлэх сургалтын байгууллагын нэг суралцагчид ногдох хувьсах зардлын дундаж нормативыг 4 дүгээр хавсралт ёсоор тус тус баталж 2012 оны 2 дугаар сарын 1-ний өдрөөс эхлэн дахин мөрдсүгэй.

2. Нэг хүүхдэд ногдох дундаж нормативаар санхүүжүүлэх зардлын гүйцэтгэлийг хүүхэд өдрөөр хянаж, зөрүүг хагас, бүтэн жилээр тооцон санхүүжүүлж байхыг Боловсрол, соёл, шинжлэх ухааны сайд Ё.Отгонбаяр, Сангийн сайд Д.Хаянхярваа нарт даалгасугай.

3. Энэ тогтоол гарсантай холбогдуулан “Зардлын дундаж норматив батлах тухай” Засгийн газрын 2010 оны 12 дугаар сарын 29-ний  өдрийн 342 дугаар тогтоолын 1, 3 дугаар зүйлийг хүчингүй болсонд тооцсугай.

            Монгол Улсын Ерөнхий сайд                                                  С.БАТБОЛД

            Боловсрол, соёл, шинжлэх

                        ухааны сайд                                                                 Ё.ОТГОНБАЯР

Хянасан:

Монгол Улсын сайд, Засгийн газрын

         Хэрэг эрхлэх газрын дарга

                Ч.ХҮРЭЛБААТАР

Засгийн газрын 2012 оны 94 дүгээр тогтоолын 1 дүгээр хавсралт

СУРГУУЛИЙН ӨМНӨХ БОЛОВСРОЛ ЭЗЭМШҮҮЛЭХЭД

НЭГ ХҮҮХДЭД НОГДОХ ХУВЬСАХ ЗАРДЛЫН

ДУНДАЖ НОРМАТИВ

                                (мян.төгрөгөөр)

№	Байршил	Цалингийн зардал	Ажил олгогчийн төлөх шимтгэл	Бусад хувьсах зардал	Нийт хувьсах зардал
1	Аймгийн төвөөс бусад сумын	760.1	83.6	27.9	871.6
2	Аймгийн төвийн	616.7	67.8	25.1	709.6
3	Нийслэлийн	615.0	67.7	22.8	705.5

                                                                                                            

Монгол Улсын Засгийн газрын 2012 оны 94 дүгээр тогтоолын 2 дугаар хавсралт

ЕРӨНХИЙ БОЛОВСРОЛЫН СУРГУУЛИЙН НЭГ СУРАЛЦАГЧИД

БАГА, ДУНД БОЛОВСРОЛ ЭЗЭМШҮҮЛЭХЭД НОГДОХ

 ХУВЬСАХ ЗАРДЛЫН ДУНДАЖ НОРМАТИВ

                                                                                                                                                                  (мян.төгрөгөөр)

Байршил	Сургуулийн ангилал	Багшийн цалин			Ажил олгогчийн төлөх шимтгэл			Бусад хувьсахзардал	Нийт хувьсах зардал
		Багаанги	Дунданги	Ахлаханги	Багаанги	Дунданги	Ахлаханги		Багаанги	Дунданги	Ахлах анги
Аймгийн төвөөс бусад сум	Багийн бага сургууль	501.6			55.2			41.8	598.6
	Бага, суурь боловсролын сургууль	268.7	418.3		29.6	46.0		20.9	319.2	485.2
	Бүрэн дунд боловсролын сургууль	250.7	362.6	381.6	27.6	39.9	42.0	14.6	292.9	417.1	438.2
Аймгийн төвийн болон нийслэлийн захын дүүрэгт	Бага,  суурь, бүрэн дунд боловсролын сургууль	236.2	341.5	348.2	26.0	37.6	38.3	12.9	275.1	392.0	399.4
Нийслэлийн	Бага,  суурь, бүрэн дунд боловсролын сургууль	214.5	308.8	324.9	23.6	34.0	35.7	13.1	251.2	355.9	373.7

Засгийн газрын 2012 оны 94 дүгээр тогтоолын 3 дугаар хавсралт

ЕРӨНХИЙ БОЛОВСРОЛЫН СУРГУУЛЬ, МЭРГЭЖЛИЙН  БОЛОН

ТЕХНИКИЙН    БОЛОВСРОЛ    ЭЗЭМШҮҮЛЭХ   СУРГАЛТЫН

БАЙГУУЛЛАГЫН ДОТУУР  БАЙРНЫ  НЭГ   СУРАЛЦАГЧИД

 НОГДОХ ХУВЬСАХ ЗАРДЛЫН ДУНДАЖ НОРМАТИВ

             (мян.төгрөгөөр)

№	Дотуур байрны хэв шинж	Цалингийн зардал	Ажил олгогчийн төлөх шимтгэл	Бусад хувьсах зардал	Дотуур байрны нийт хувьсах зардал
1	6 настай хүүхэд амьдардаг ерөнхий боловсролын сургуулийн дотуур байрны	299.4	32.9	15.0	347.3
2	Ерөнхий боловсролын сургууль, мэргэжлийн болон техникийн боловсролын сургалтын байгууллагын	199.3	21.9	15.0	236.2

                                                                                                           

Монгол Улсын Засгийн газрын  2012 оны 94 дүгээр тогтоолын 4 дүгээр хавсралт

 МЭРГЭЖЛИЙН БОЛОН ТЕХНИКИЙН БОЛОВСРОЛ ЭЗЭМШҮҮЛЭХ

СУРГАЛТЫН БАЙГУУЛЛАГЫН НЭГ СУРАЛЦАГЧИД НОГДОХ

ХУВЬСАХ ЗАРДЛЫН ДУНДАЖ НОРМАТИВ

                                                                                            (мян.төгрөгөөр)

№	Аймаг	Норматив
1	Архангай	605.8
2	Баян-Өлгий	614.7
3	Баянхонгор	610.1
4	Булган	571.6
5	Говь-Алтай	591.6
6	Дорноговь	565.6
7	Дорнод	593.8
8	Дундговь	592.1
9	Завхан	612.9
10	Өвөрхангай	603.1
11	Өмнөговь	594.0
12	Сүхбаатар	603.7
13	Сэлэнгэ	580.2
14	Төв	571.9
15	Увс	607.3
16	Ховд	613.1
17	Хөвсгөл	612.9
18	Хэнтий	608.1
19	Дархан-Уул	597.3
20	Орхон	605.6
21	Говьсүмбэр	577.6
22	Улаанбаатар	560.3